სსიპ თბილისის 51-ე საჯარო სკოლის ქართული ენისა და ლიტერატურის პედაგოგის ნინო მელაძის საკონკურსო განაცხადი

პროექტის ავტორის გვარი, სახელი	ნინო მელაძე
პროექტის ავტორის საკონტაქტო ინფორმაცია                (ტელეფონი, ელ-ფოსტა)	899 123 231 ninomela@yahoo.com
სკოლა (რომლის ბაზაზეც განხორციელდება პროექტი)	სსიპ თბილისის 51-ე საჯარო სკოლა
სასწავლო პროექტის სახელწოდება	მზის ქოლგა
სასწავლო პროექტის მიზანი / მიზნები	თვითშეფასებისა და მოვლენათა კრიტიკული გააზრების შესახებ გამოცდილების შეძენა                     ადამიანის ბუნებითი უფლების – სიცოცხლის უფლების, გაანალიზება
სამიზნე ჯგუფი / ჯგუფები	მე-6 კლასი, 29 მოსწავლე
პრობლემის აღწერა (არა უმეტეს 100 სიტყვისა)	ლიტერატურის სწავლებისას თანამედროვე ხედვებისა და სწავლების ტექნოლოგიების გამოყენება დღემდე პრობლემას წარმოადგენს. ამის მიზეზი მასწავლებლის კომპეტენციების დეფიციტი და განათლების რეფორმის კურსის მუდმივი ცვლილებაა. მოსწავლეებს ინფორმაციის აღქმა და გადამუშავება სწავლების პროცესისგან სიამოვნების მისაღებად, საკუთარი თავის შესაცნობად უძნელდებათ. თანამედროვე სოციალური და პოლიტიკური პროცესების შემყურენი აქტიური მოსმენის საჭიროებას ვერ ხედავენ. საკუთარი სიმართლის დასამტკიცებლად ხმამაღლა მეტყველებას, ყვირილს, უწმაწურ სიტყვებს და ფიზიკურ ძალადობას მიიჩნევენ. ამას ნაწილობრივ განაპირობებს ისიც, რომ დემოკრატიული ღირებულებების აღორძინებასა და სამართლებრივი სახელმწიფოს შენებას ფსევდო-კონსერვატორულად და შეფარვით პროფაშისტურად განწყობილი „გავლენის ინსტიტუტები“ გამუდმებით უწევენ დისკრედიტაციას. გარეგნული ეფექტებისა და თვალთმაქცობის გარემოში მოსწავლეს საღი აზროვნების, ლოგიკური მსჯელობის მოტივაცია ეკერგება. ამ უკანასკნელს მხოლოდ ერთიანი ეროვნული გამოცდებისთვის მზადებას უკავშირებს.
პროექტის აღწერა (არა უმეტეს 150 სიტყვისა)	პროექტის მიზანია მოსწავლეთათვის შემოქმედებითი და სააზროვნო გარემოს ჩამოყალიბება. მოსწავლე შეძლებს დააკვირდეს საკუთარი განვითარების პროცესს და ამ პროცესზე პასუხისმგებლობას აიღებს. ილია ჭავჭავაძის „სარჩობელაზედ“ შესწავლას ისტორიული პერსპექტივიდან სამოქალაქო ღირებულეების აქტუალიზაციისა და ანალიზის პერსპექტივა ჩაენაცვლება. მოსწავლე დაეუფლება ინფორმაციის მოძიებისა და საკუთარი ემოციების გამოხატვის ტექნიკას, თანამოსაუბრის მიზნებისა და ღირებულებების გაანალიზებას, წარმოდგენას შეიქმნის მსჯელობის მეთოდებსა და მჭევრმეტყველების მნიშვნელობაზე, რეკლამისა და პროპაგანდის სტრატეგიებზე. ამისთვის ის ინდივიდუალურად, წყვილებსა და ჯგუფებში ზეპირი და წერილობითი ფორმით შეასრულებს ნამუშევრებს (თხზულები, ნახატები, ფოტოები თავისი განმარტებებით); მოამზადებს სიტყვას მოხსენებისათვის; შექმნის ბლოგს; გამოიყენებს ელექტრონულ საძიებო სისტემებს; სკოლაში შეიქმნება მოსწავლეთა „თავისუფალი ტრიბუნა“, სადაც გაიმართება 2 ფორმალური დებატი: „გული თუ გონება“, „სიკვდილით დასჯა - გამართლებულია თუ გაუმართლებელია“; მოსწავლეები შეარჩევენ თემატიკის მიხედვით მათთვის საინტერესო რესპონდენტს, მოამაზადებენ კითხვებს ინტერვიუსთვის, დაგეგმავენ და წარმართავენ ინტერვიუს. მოსწავლეები განხილული თემატიკის მიხედვით მოიძიებენ სხვა წიგნებს და მოაწყობენ მის განხილვას. პროექტის მთელი მიმდინარეობა აისახება მათ მიერვე შექმნილ ბლოგზე, დღიურებსა და პროექტის ანგარიშში.
პროექტის განხორციელების ვადები (არა უმეტეს ორი თვისა)	2 თვე
მოსალოდნელი შედეგები (რა ცოდნას მიიღებენ მოსწავლეები, რა უნარები განუვითარდებათ მათ, რა პროდუქტები შეიქმნება პროექტის განხორციელების შედეგად)	ცოდნა                     წარმატების მოპოვებისა და მართებული ორიენტირების შემუშავებისათვის ინფორმაციის აღქმა და მისი გადამუშავება                     თანამოსაუბრის მიზნებისა და ღირებულებების გაანალიზება                     წარმოდგენის შექმნა მსჯელობის მეთოდებსა და მჭევრმეტყველების მნიშვნელობაზე                     რეკლამისა და პროპაგანდის სტრატეგიების იდენტიფიცირება უნარები                     მოსწავლეებში კრიტიკული მოსმენის უნარ-ჩვევების განვითარება                     სიტყვით გამოსვლის უნარების განვითარება                     სადებატო უნარების განვითარება პროდუქტები                     ინდივიდუალურად, წყვილებსა და ჯგუფებში შესრულებული ზეპირი და წერილობითი ნამუშევრები (მოსწავლეთა ხელნაწერები, ნახატები, ფოტოები თავისი განმარტებებით)                     სიტყვა მოხსენებისათვის (წერილობითი ვარიანტი)                     ინდივიდუალური სტილით წარმოთქმული სიტყვა - მოხსენება (აუდიო-ჩანაწერი)                     ბეჭდვით თუ ელექრტრონულ მედიაში გავრცელებიული სხვადასხვა მოვლენების არსებული ფორმალური მოხსენებების მოძიება და მათი დახარისხება სიცოცხლის უფლების მნიშვნელობის გააზრებისთვის საჭირო არგუმენტების მიხედვით                     მოხსენებაში გამოყენებული, გრძნობებსა და ემოციებზე გავლენის მქონე, იდიომებისა და ფრაზების მცირე ლექსიკონი (სიტყვა-რეაქტორები)                     მოსწავლეთა „თავისუფალი ტრიბუნა“                     2 ფორმალური დებატი                     2 ინტერვიუ მთხრობელთან (მოთხრობებისა და ამბების მოყოლა)                     ანდაზების, გამოცანებისა და შარადების „კედელი“                     ჟურნალის შექმნა და მისი ბლოგზე განთავსება                     წიგნის დღე (მაგ.: პ. კოელიოს „ალქიმიკოსი“)                     წერილი                     პროექტის შესახებ ანგარიში                     თემატური და საგაკვეთილო ინსტრუქციები და მასწავლებლის დამხმარე მასალები                     სიტყვათა ეტიმოლოგიური ლექსიკონი
პროექტისთვის საჭირო სასწავლო და ტექნიკური რესურსები	კალმები და ფურცლები                     ციფრული აუდიო-პლეერი *                     ინტერნეტის ქსელში ჩართული 8 კომპიუტერიU                     ანდაზების, ხატოვანი გამონათქვამებისა და იდიომების ლექსიკონები                     ტრიბუნაU                     ფერადი ფურცლები და ფერადი პრინტერი (ანდაზების, გამოცანებისა და შარადების „კედელისათვის“)U                     ციფრული ფოტოაპარატი *                     ციფრული ვიდეო-ჩამწერი